An intro to pyaar...

Aaj mai aapko woh bayaan karne jaa rahi hoon,

jo bayaan ho chukka hai mehfil mein baar kaee,

jiske har pehlu ko keh-keh ke bhi

main kahoongi ki yaar kuch bayaan kam hua

aur jo mere kuch na kehne se bhi

aap kahoge maine dil ki awaaz se sun liya.

Baat hai hi aisi,

Ki bas kaano mein tab padti hai

Jab dil ki nase dimaag ke hone ko bhool jaayein….

Baat hai hi aisi,

Ki yun phisalti hai

Jab dil ki taarien dimaag se jud jaayein…

Ji aap kuch to samajh hi gaye honge,

ki na samajh aane waali yeh raat hai,

Ji aap kuch to samajh hi gaye honge,

zaroor aaj kahin pyaar ki baat hai!